АДАБИ НА ОДНЕСУВАЊЕ КОН ЖИВОТНИ
Муслиманот повеќето животни ги смета за створенија кои заслужуваат почит и се однесува милозливо кон нив со Аллаховата милост. Кон животните се однесува со следниве адаби:
1 Ги нахранува и напојува кога се гладни или жедни. Поради зборовите на Аллаховиот Пејгамбер с.а.в.с. кој рекол: 'За секое живо створение постои награда.” (Бухари, Муслим) И зборовите: 'Бидете милозливи кон оние што се на земјата да биде милозлив кон вас оној што е на небото.”
2-Искажување милост и сожалување поради зборовите на Аллаховиот Пејгамбер с.а.в.с. кога видел некои луѓе како земале птица и ја ставиле како цел за гаѓање со стрелки рекол: 'Аллах го проколнал оној кој ќе земе нешто што има душа како цел (за гаѓање). (Бухари, Муслим) Исто така кога видел некои асхаби како зеле мали пиличиња од гнездо, додека мајката на пиличињата била вознемирена, Пејгамберот а.с. рекол: 'Кој ја вознемирил оваа поради нејзините птичиња, вратете и ги назад птичињата.” (Ебу Давуд)
3-Не ги мачи животните при колење или убивање. Поради зборовите на Аллаховиот Пејгамбер с.а.в.с. кој рекол: 'Навистина, Аллах, пропишал доброчинство при секоја работа, па и кога убивате, убаво убивајте, и кога колете убаво колете, некој секој од вас ја одмори својата жртва и нека го наостри ножот.” (Муслим)
4-Не ги казнува со ниеден вид на казнување ниту им нанесува болка со удирање или со претоварување или со горење (жигосување) на оган. Сето тоа го прави поради зборовите на Аллаховиот Пејгамбер с.а.в.с. кој рекол: 'Една жена влегла во Оган поради мачка која ја затворила се додека умрела, ниту ја нахранила ниту ја напоила, бидејќи не ја оставила да се храни од предметите на земјата.” (Бухари)
Аллаховиот Пејгамбер с.а.в.с. еднаш поминал покрај некој мравјалник кој бил запален и рекол: 'Не би требало да казнува со оган освен Создателот на огнот.” (Ебу Давуд)
5-Дозволено е да се убиваат штетните животни како бесно куче, волк, змија, акреб, глушец и слично на овие поради зборовите на Аллаховиот Пејгамбер с.а.в.с. кој рекол: 'Пет видови на животни дозволено е да се убиваат и во обични места и во свети места: 'змија, гавран, бесно куче, јастреб и акреб.” (Муслим)
6-Дозволено е жигосување на домашната стока за потреба, бидејќи се пренесува дека Аллаховиот Пејгамбер с.а.в.с. ги жигосувал камилите кои биле наменети за садака. Додека други животни не е дозволено да се жигосуваат. Кога Пејгамберот а.с. видел магаре кое било жигосано во чело рекол: 'Аллах го проколнал оној што го жигосал ова во чело.” (Муслим)
7-Треба да го извршува Аллаховото право во врска со нив а тоа е да дели зекат од животните кои подлегнуваат на зекат како овци, крави, камили и.т.н.
8-]Да не бидат тие причина во оддалечување од Аллах џ.ш. со тоа што преголемата зафатеност со нив ги заборави Аллаховите наредби и обврски. Возвишениот Аллах вели: 'О верници, нека вашите имоти и деца не ве заборават од спомнување на Аллах.” (Мунафикун, 9)
Аллаховиот Пејгамбер с.а.в.с. спомнал дека човекот има три вида на коњ: коњ за кого човекот има награда, коњ кој ќе го заштити, и коњ кој ќе биде причина за казна а тоа е оној коњ што го чува за фалење и гордеење.” (Бухари)
Tue Jun 01, 2010 3:23 pm